Arabat, Arabako Bideak-Vías de Álava, S.A., Arabako Foru Aldundiaren Herri Lan eta Garraio Sailaren menpeko elkartea da, eta bere helburua Vitoria-Gasteiz-Eibar autopistaren Arabako Lurralde Historikoko tartea zaindu, mantendu, ustiatzea eta horren segurtasuna zaintzea da.
AP-1 autopistaren arabar tarteak 14,2 kilometro ditu, eta horietan zehar bi tunel zeharkatzen ditu: Lukokoa, 620 metrokoa, eta Isuskitzakoa, Euskadiko luzeena eta 3, 4 km dituena (1,2 kilometro arabar tartean). Vitoria-Gasteiz-Eibar autopistaren kilometroak asfaltozko kilometroak baino zerbait gehiago direla uste osoa izanda, Arabat-ek azpiegiturak kudeatzeko teknikarik modernoenen aldeko apustua egin du, segurtasuna eta erosotasuna, eta, azken batean, bizi-kalitatea areagotuz.
Arabako Bideak-Vías de Álava S.A. elkartea 2003. urtean sortu zen foru-elkarte publiko gisa. Bere kapital sozial osoa Arabako Foru Aldundiaren esku dago. AP-1 autopistako arabar tarteak eraikitzeko obrez arduratu da, hots: Etxabarri-Ibiña-Luko eta Luko-Gipuzkoarekiko muga. Autopista 2009ko maiatzaren 22an ireki zenetik, Arabat-ek beste fase bati ekin dio, zeinetan funtsezkoena errepide honen mantentzea eta segurtasuna diren, eta ibilbide berri horri erabiltzaileei zerbitzurik onena eskaintzeko eta AP-1 autopistaren konektibitatea hobetzen jarraitzeko helburuarekin ekin diogu.
SET eremu declarazioa
Lan Kontratupeko langileen lanpostuen zerrenda
|
